Sunday, June 22, 2008

من أعظم القربات إلى الله


مستعد تزود عداد حسناتك
يالا نبتدي
عارفه إنها مش طالبه معاكم كآبه
علشان كده هفكركم تاني بالموت
:))
إتفقنا في البوست السابق إن الجنه درجات
وطبعا ما يصحش إن تكون درجتك أقل من حد
ولا هي المنافسه وكلمه إشمعنى بتظهر في الأمور الدنيويه بس :))
المهم في حاجات بسيطه جدا لو تعملها هتزود عداد حسناتك
زي إيه ؟؟؟
فاكرين البوست اللي فات لما قلنا إن الإسلام مش إنك تأدي الفروض وبس
شوف الحديث النبوى بيقول إيه

:قال رسول الله صلى الله عليه وسلم:(ألا أخبركم بأفضل من درجة الصيام والصلاة والصدقة؟
قالوا: بلى، قال: إصلاح ذات البين، وفساد ذات البين الحالقة) رواه أبو داود وصحح ابن
حبان.ويقول أيضا صلي الله عليه وسلم ::"دبّ إليكم داء الأمم قبلكم الحسد والبغضاء هي الحالقة،
لا أقول تحلق الشعر ولكن تحلق الدين، والذي نفسي بيده لا تدخلوا الجنة حتى تؤمنوا
ولا تؤمنوا حتى تحابوا أفلا أنبئكم بما يثبت ذلك لكم أفشوا السلام بينكم
طيب يعني إيه إصلاح ذات البين ؟
يعني ببساطه الإصلاح بين الناس
يعني مش تشوف إتنين بيتخانقوا وتقول وأنا مالي
أحسن آخد خبطه كده ولا كده :)
الصلح بين الناس له مكانه كبيره جدا وحسناته كتير وهذا هو المطلوب إحنا محتاجين
كل حسنه يا جماعه
قال الله تعالى [فَاتَّقُوا اللهَ وَأَصْلِحُوا ذَاتَ بَيْنِكُمْ] {الأنفال:1
وكذلك [فَلَا جُنَاحَ عَلَيْهِمَا أَنْ يُصْلِحَا بَيْنَهُمَا صُلْحًا وَالصُّلْحُ خَيْرٌ] {النساء:128}.
طيب هو الصلح بين الناس له المكانه دي ليه ؟
التشاحن والتشاجر يورث في القلب البغضاء والحقد والتنافر ويثير العداوات والإنتقام
ليس بين فردين فقط ولكن بين العائلات وربما تطور الأمر ليصل بين القبائل
ممكن يقطع صله الرحم ( والجنه لا يدخلها قاطع رحم) أو يفرق بين الزوجين
ممكن يفكك المجتمع المسلم
والإسلام يدعو للتعاون والترابط والتسامح
لذا كانت إصلاح ذات البين من أعظم الأشياء التى تقربك من الله عز وجل
يقول رسولنا الكريم صلى الله عليه وسلم:( تفتح أبواب الجنة يوم الاثنين ويوم الخميس
فيغفر لكل عبد لا يشرك بالله شيئا إلا رجلا كانت بينه وبين أخيه شحناء فيقال:
انظروا هذين حتى يصطلحا، انظروا هذين حتى يصطلحا، انظروا هذين حتى يصطلحا)رواه مسلم.
كلنا إخوان ولا يجب أن تحدث تلك الفرقه بيننا حتى نكون أقوياء أمام المتربصين بنا
طيب علشان مش تتخنقوا منى .. إنت الوقت هتعمل إيه؟
هتحاول تصلح بين الناس لأننا اتفقنا إنها من أعظم القربات إلي الله
بس خد بالك إن نيتك تكون خالصه لوجه الله
يعني مش منظره ... ولا علشان الناس
تقول ( يا سلام ده راجل بسبع رجاله .. دخل في الخناقه ولا همه ) لأ مش ينفع كده
نيتك لازم تكون خالصه لوجه الله .. ماشي كده ... لأ استني لسه مش خلصت
الصلح بين الناس يعتبر من الصدقات
قال
رسول الله صلى الله عليه وسلم:" كل سلامى من الناس عليه صدقة، كل يوم تطلع فيه
الشمس تعدل بين الاثنين صدقة
تعدل بين الإثنين : أي تصلح بينهما
إِنَّمَا المُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ {الحجرات:10
كمان ياريت بلاش تكون طرف من المتخاصمين ...
وبلاش تسئ الظن بأخيك ... وسامح واصفح الصفح الجميل
[كده خلصنا واحده من أهم القربات لله عز وجل ..
حاولت أختصر على قد ما أقدر
المهم عايزاكم بعد كده
حمام سلام ... تصلحوا بين الناس .بين الأزواج ... بين الأخوان .. بين الأبناء
. وتردوا الظالم .. وتدافعوا عن المظلوم
ورزقكم على الله

37 comments:

آلام وآمال said...

بمناسبة الصلح بين اتنين بيتخانوقاو او محاولة تهدئتهم يعني
فعلا والله بتحصل كتير جداا يجي الواحد يسلك مثلا ف خناقة ويحاول يهدي المواضيع ويلاقي الشتيمة والضرب اتحولو عليه هو
دي بتحصل فعلا ومش كلام ع الفاضي
وبالتالي ف الغالب الوحد بيضطر يقول وانا مالي ان شالله يموتوا بعض

لكن عموما فكرة الموضوع وصلت والصلح كمان مش مقتصر بس على اتنين بيتخانقوا
انما مفيش بيت النهاردة خالي من الشحناء والمشاكل وكلنا محتاجين نتذكر الكلام ده

جزاك الله خيرا
:)

آلام وآمال said...

بيتخانقو .. يتشاجرو يعني*
:D

ٍSOU said...

بسم الله ماشاء الله اسلوبك جميل جدا
والله فتحتى نفسى انى اروح اصلح و اصالح
ادعيلى
ربنا يكرمك على كلامك و يسخرك دايما فى نذكرة الناس

blue-wave said...

بجد ربنا يكرمك وينورلك طريقك

son's egypt said...

السلام عليكم
الصلح بين الناس
واصلحوا ذات بينكم
ليس الشديد بالصرعة ولكن الشديد من يملك نفسه عند الغضب
تعالوا نبتعد قليلا عن التشاجر والبغضاء والحقد ونعيش في صلح دائم
فكيف نكون في مجتمع واحد وهناك من يتشاجرون لاتفه الاسباب احبانا

Dr- Hema said...

بارك الله فيكم

بس إيه المدونة كده وخلاص ؟!

د/هيما

bar2ash said...

ازيك يا سلوي

انتي عارفه اللي عايز اقوله ان في بعض الحالات من الخصام بيبقي سبب عدم الصلح هو العند

افتكرت كلمه كان ابويا قالها

العند يولد الكفر


ربنا يوفقك ويهدي بيكي

برقش

أحمــــد said...

بسم الله الرحم نالرحيم
مدونتك رائعة ما شاء الله
أدعوك لزيارة مدونتى
http://ommee.blogspot.com

love River said...

ماشاء الله عليك
بوست هايل

HANY YASSIN said...

السلام عليكم
كلام حضرتك كله صح
المهم ان ربنا يدينا القدرة على تنفيذه
بالطريقة الصح
شكراً لك
هانى يس

جنّي said...

نفحات من الله لا تكلفنا أي مجهود مادي أو جسدي وتقربنا من الله .. فلماذا نفرط بها ؟؟

---------------------------------

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

nahla.a said...

كلمات جميلة اختى بارك الله فيكى واعزك جزاك الله خيرا..تحياتى

طالبه الفردوس said...

السلام عليكم

ما شاء الله يا حبيبتى مدونه رائعه

انا اول مره ازورها وباذن الله هكرر الزياره

ربنا يباركلك ياااارب

مواضيعك هادفه ومفيده

جزاكى الله خيراااا

نهر الحب said...

بارك الله فيك
ربنا يوفقك

الزواج.....روضة الحب said...

وحشتيني جدا يا سلوي
فينك
يارب تكوني بخير

موناليزا said...

وحشتينى حبيبتى
ربنا يكرمك ويبارك فيكى

جنّي said...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

الزواج.....روضة الحب said...

إيه الغيبة الطويلة دي بجد والله مفتقداكي جدا والإيميل بتاعي مش عارفة أصلحه يارب تكوني بألف خير وياريت تطمنيني عليكي

ادم المصرى said...

ياااه ربنا يحفظك ويكرمك وميلا حياتك فرح وسعاده

الزواج.....روضة الحب said...
This comment has been removed by a blog administrator.
The Führer said...

الأخت الفاضلة سلوي ، كفانا أحلاما يوتوبية ، فهذا زمن صعب ، قبل أن تطالبين بالإصلاح بين الناس ، أولي أن تطالبين بإصلاح الناس ، عقولهم وقلوبهم ، فإن صلحت العقول والقلوب ، صلحت الألسنة والضمائر ، وإن صلح هذان ، فلن يكون هناك مكان للبغضاء والمشاحنة بين الناس .
برجاء تقبل مروري المتواضع ولك كل احترام وتقدير

سين said...

جزاكى الله خيرا على هذا البوست الرائع
جعله الله فى ميزان حسناتك

elsha3er said...

كلمات جميلة بارك الله فيكى

احمد الشاعر

جوايا شئ نفسه يشوف النور said...

جزاكى الله خيرا اختى الكريمه

جوايا شئ نفسه يشوف النور said...

جزاكى الله عنا كل خير

Steel Beauty said...

مشكور بجد ع البلوج الجميلة دى

جنّي said...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

الحشرى - سيد يونس said...

كل عام وأنتم بخير

وتقبل الله منا ومنكم صالح الأعمال

نهر الحب said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

نهر الحب said...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

نهر الحب said...

انتى فين ؟؟
لية مختفية ؟

نهر الحب said...

ممكن تقولى لى تفاصيل
زيارة معهد الاورام
قد اتمكن من المجئ ؟؟
وجزاك الله خيرا

كلام على بلاطة said...

كل عام وانت بخير

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

مصري بالغربة said...

مدونة جميلة فعلا

بس مش عارف اعلق على البوست الاخير

مفيش لينك للتعليقات مش عارف ليه؟

Beram ElMasry said...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

zainab said...

جزاك الله خيرا
ربنا يهدينا يارب